My-day
スポンサーサイト
-----------  CATEGORY: スポンサー広告
上記の広告は1ヶ月以上更新のないブログに表示されています。
新しい記事を書く事で広告が消せます。
ページトップへ
20080524 L'Arc~en~Ciel  TOUR 2008 L'7~Trans ASIA via PARIS LIVE IN HONG KONG
2008-05-25-Sun  CATEGORY: 音樂
聽日本Band都有一段時間,估唔到第一次睇Live會係睇 L'Arc~en~Ciel,同時亦係第一次去機場博覽館睇show。

在香港仔坐A10山長水遠入機場,本來以為可以行過去博覽館,但在機場差點做了迷路小羔羊,最後都是要坐機鐵去。



到達博覽館到約是七時半,周圍人頭湧湧,而且都十分年輕,彩虹果然比較潮。本來想買GOODS,但見實在太多人了,結果就直接入了會場。當時的背景音樂首先播MUSE,後來又轉了MCR,好有唔知想點的感覺。

等到差不多八點半終於開始了,全場直接站立,拍手呀跳呀叫呀好興奮。




我買的是$580中間飛,位置在右側第二排,雖然不是距離太遠,但其實都只能勉強看到台上四人的外型,要看仔細的還是要靠LCD MON。順帶一提,博覽館的音響設備其實都麻麻,與九龍灣展貿差不多,不過都沒有影響大家的熱情。

[Set List]

1. get out from the shell -asian verion-
2. Driver''s High
3. Killing Me

hyde MC

4. DRINK IT DOWN
5. DAYBREAK''S BELL
6. Winter Fall
7. 永遠
8. 花葬
9. forbidden lover
10. MY HEART DRAWS A DREAM
11. Caress of Venus
12. REVELATION

ken MC

13. SEVENTH HEAVEN
14. Pretty Girl
15. STAY AWAY
16. READY STEADY GO

ENCORE

17. 叙情詩
18. HONEY
19. Link

hyde MC

20. あなた

[/Set List]

由於做了功課的關係,所以大部份的歌都懂,可以更加投入,比那次Dream Theater好得多。另外各位成員的MC時間都係講廣東話,而且大部份都講得唔錯。節錄幾句 "雖然上星期四川地震,但希望今晚大家可以聽得開心" "你地開唔開心呀? 你地開唔開心呀? 你地開唔開心呀?" "我尋日食左皮蛋,以後都唔會再食" 好多MC都係講關於食,勁搞笑。

我最high的部份肯定是聽到MY HEART DRAWS A DREAM的intro,這首歌差不多是我的最愛,歌詞以前也曾經在這裡貼過。全場一起合唱 "夢を描くよ" 十分有氣勢。接下來連續幾首都是不停地跳,其實,睇Live對各位觀眾的體力和喉嚨都係一個大考驗。

一聽到Hyde大叫 "Are you fcukin' ready!!" 的時候,就知道要來Ready Steady Go,配合一爆而出的銀帶,將氣氛推上高峰。

等Encore的時候,大家開始玩人浪,都幾壯觀。不過搞笑的係,每完成一次前->後的人浪後,竟然大家都好開心地拍掌,而沒有將人浪由後->前帶回來。我在中段位置連同其他人一路叫後場的人將浪推回來,後來終於完成了由後->前的人浪,好好玩。另外全場一齊拍手+dum地,又係超級hyper,震撼程度係高到令人有拆左個場的感覺!

Encore時唱了期待已久的Honey,雖然呢首歌已經玩過無數次,但係自己親身在現場睇始終係唔同層次。至於另一大熱歌曲Link,估唔到香港的觀眾係唔識拍中段的拍子!! 本來係"拍拍拍",就變成左不停係咁拍,同日本歌迷的整齊度仲係無得比。

成場Live最後一首歌係あなた呢首慢歌,一路揮手一路聽,係意料之外咁感動,真係聽到有少少眼濕濕。雖然,一齊大合唱好多人都係唔識唱,不過個氣氛始終係一流。




曲終人散,但好多人都依依不捨,留在場館內影相留念。

走出場外,本來想再排隊買GOODS,但見到人龍超長,又知道早已沒有了場刊,結果都是走了。機鐵同機場巴士都好多人,返到香港仔已經凌晨一點了。

今次真係意料之外咁好睇,亦都再度燃起我對Band Sound的熱情。如果將之視作為我慶祝踏入二次頭的活動,我會比佢滿分。最後想再提兩件事,睇演唱會第一件事係點都要買貴飛,愈前愈high。第二件事係想買GOODS應該早半日去排隊,因為每次睇完之後都一定會心郁郁想買但又乜都賣晒,不如一早排定去買!

(*set list和圖片都是轉載的啦~)
スポンサーサイト
ページトップへ  トラックバック0 コメント0


余白 Copyright © 2005 My-day. all rights reserved.
上記広告は1ヶ月以上更新のないブログに表示されています。新しい記事を書くことで広告を消せます。